wickelvielfalt

AGB - z'Chliidruckta

Allgmei

Grichtsstand und awendbars Rächt

Ver d’AGB va Wickelvielfalt gilt z’Schwiizerisch Rächt (OR). Grichtstand isch Brig.

Stoffwindelberatig

Vertragsabschluss

Durch z’Üsfille und Verschicke vaner Terminafrag uber z’Kontaktformular wird en Atrag zum Vertragsabschluss gstellt. Der Vertrag chunnt durch die Terminveribarig z’Stand.

Priisa und Zahligsbedingige

Die Priisa sind in Schwiizer Frange (CHF) agä. Äs gältend di Bstimmige gmäss Art. 84 Abs. 1 OR.

Folgendi Meglichkeite ver di Bezahlig vaner Beratig stähnt zer Verfiägig:

Vorüszahlig via TWINT oder Bankuberwiisig
Barzahlig vor Ort

Stornierigsbedingige

Wird der Termin 48h vor der Beratig verschobe, fallent kei züesätzlichi Cheste a. Chunnts zure churzfristigere Verschiebig, wärdent folgendi Beträg verrächnet:

Mietpaget

Vertragsabschluss

Durch die schriftlich oder mündlich Büechigsbestätigung sitens Wickelvielfalt chunnt der Vertragsabschluss z’Stand.

Nutzig

Durch d’Nutzig vane Artikla üsem Mietpaket erklärt schich der Mieter mit de hügienische Züestand vane Artikla iverstanne.

Liefrig

Z’Mietpaget wird nur an Schwiizer oder Liechtesteiner Adresse verschickt.

Versand und Lieferzyt

Der Versand erfolgt durch die Schwiizerisch Post. Z’Transportrisiko ligget bim Bsteller. Cha en Liefrig nit züegstellt wärde und wird üs dem Grund öi wieder an Wickelvielfalt retourniert, cha d’Liefrig nach Rücksprach wiederholt wärde. Die Portocheste ver die 2. Liefrig sind vam Chund z’träge.

Z’Mietpaket wird zum veribarte Zytpunkt verschickt, insofärn d’Rächnig begliche und di Kaution uberwiese isch. Die Züestellig erfolgt gägs Unnerschrift. Ver de Rückversand an Wickelvielfalt isch äs entsprächends Etiget im Päckli derbi.

Priisa, Zahligsbedingige, Reservation

Die Priisa sind in Schwiizer Frange (CHF) agä. Äs gältend di Bstimmige gmäss Art. 84 Abs. 1 OR.

D’Cheste ver z’Mietpaket sind im Vorüs via TWINT oder Bankuberwiisig z’zahle.

Wird d’Rächnig nit innerhalb va 10 Täg begliche, verfallt d’Reservation. (Sellti z’Mietpaget churzfristiger beasprucht wärde, erfolgt en entsprächendi Apassig vane Zahligskonditione.)

Kaution

Die Kaution ver z’Mietpaget isch im Vorüs via TWINT oder Bankuberwiisig z’zahle. Wird z’Mietpaget rächtzytig, süüber und vollständig retourniert, erfolgt d’Rückzahlig vaner Kaution innerhalb va 5 Arbeitstäg.

Der Chund verpflichtet schich, schich an di genau Waschroutina vam Handout z’halte. Sellti en spezielli oder intensivi Reinigung vane Artikla im Mietpaket neetig sii, wird en Reinigungspauschala va CHF 50.00 der Kaution abzoge.

Di Artikla vam Mietpaget miessent unner annerem ohni Tierhaar und Röichgschmak retourniert wärde, damit z’Mietpaget als süüber deklariert wird.

Stornierigsbedingige

Schadenersatzasprich

Der Chunt verchunnt spätestens mit dum Mietpaget äs Handout. Är verpflichtet schich, z’Handout z’läse und schich da dra z’halte, um die korräkt Wäschroutina umzsetze und Schäde sowie ubermässigi Abnitzig z’vermiide.

Der Chund haftet ver ubermässiga Verschleiss sowie Verluscht vane Mietgägeständ. Wickelvielfalt entscheidet im eigene Ermässe, ob d’Abnitzig resp. d’Schäde durch normale oder unsachgmässe und unachtsame Umgamg mit de Mietartikel entstanne isch.

Ver Schade durch nit sachgmässe und/oder unachtsame Umgang isch der Chund verpflichtet, Schadeersatz an Wickelvielfalt z’leiste.

Wickelvielfalt bhaltet schich z’Rächt vor, kaputti und/oder verloreni Mietartikel zu Laste vam Chund z’ersetze.

Verfärbige: Dum Chund is erlöibt, aneri, eigeni Textilie mit Artikla üsem Mietpaget z’wäsche. Äs müess allerdings sichergstellt wärde, dass die Textilie nit abfärbent. Verfärbti Artikla üssem Mietpaget wärdent zu Laste vam Chund ersetzt.

Haftigsüsschluss

Ver allergischi Reaktione üf z’Material, Wäschmittel oder allfälligi Tierhaar wird va Wickelvielfalt kei Haftig ubernu. Falls üffällige Hüütreaktione üfträtent, bitte umgehend Wickelvielfalt kontaktiere und di gmietete Artikal zwischezitlich nimme brüüche.