top of page

wickelvielfalt

So chlii. So nöi. So bsunders– fin di Stoffwindla, wa zu öw passt.

Newborn Mietpaget

Äs isch sinnvoll, wemu em Mämmi am Afang Stoffwindle inner Greessi Newborn aleit. Di chlii Greessi passt ab ca. 2.5kg bis 6kg. Da mu d'Newborn Greessi nit lang cha brüüche, machts Sinn, die Newborn Greessi z’miete. So chasch dü öi lüege, wells System, welli Materialie und so witer am beste zu dier und diner Famili passent, bevor dass dü d’Stoffwindle inner Greessi OneSize aschaffsch.

Folgendi Artikla sind im Newborn Mietpaget derbiä

Dank de folgende Produkt chasch dü diis neugebore Mämmi va Afangsch a  vollzyt mit Stoffwindle wickle:

​

  • 4 AiO (unnerschidlichi Härsteller)

  • 2 AiO Pocket (unnerschidlichi Härsteller)

  • 5 Höschenwindle (unnerschidlichi Härsteller)

  • 6 Uberhose (unnerschidlichi Härsteller)

  • 2 Schlupfuberhose (unnerschidlichi Härsteller)

  • 3 Ai3 (unnerschidlichi Härsteller)

  • 25 Süügilage (unnerschidlichs Material, System und Härsteller)

  • 7 Booster (unnerschidlichs Material und unnerschidlichi Härsteller)

  • wäschbari, wasserdichti Wickelunnerlag

  • RINGANGA FRESH baby bum foam (DIE Alternativa zu Füechttüechjini)

  • 4 Wetbags (unnerschidlichi Greessine und Härsteller)

  • Wäschenetz

  • 20 wäschbari Vlies (unnerschidlichs Material und unnerschidlichi Härsteller)

  • 14 Mullwaschlappe

  • Snappi Windelchlammera

  • 3 Bodyerwiiterige

  • Wäschmittel ver di komplett Mietdüür

 

Züesätzlich verchusch dü äs Skirpt mit alle wichtige Informatione zer Nutzig, Lagerig und Reinigung, sowie Härstellerinformatione zu jedem Artikel.

​

​Mit Üsnahm vane Produkt va Judes, Lunakind und Windelmanufaktur (Titschland) sind alli Produkt inner Schwiiz erhältlich. Die Produkt va Lunakind und Windelmanufaktur sind teilwiis öi uber di Schwiizer Online-Shops bstellbar. Bim Zämestelle vam Newborn Mietpaget häni sehr fescht drüf gachtet, dass die Produkt wo immer meglich in Europa härgstellt werdent.

​

Äs sind kei Wulle-Produkt im Mietpaget vorxe. Würdisch dü gäre Stoffwindle üs Wulla bi diinem Neugeborene teste? De tüemer das bi dinner Afrag mitteile. Wier wärde gmeinsam en Leesig finne.

Das choschtet z'Newborn Mietpaget

D'Mietdüür ver z’Newborn Mietpaget betreit mindestens 4 Wuche. D’Abrächnig erfolgt nach folgende Priisa:

  • Pro Wucha CHF 35.00 / Falls dü vorer bi wickelvielfalt en Erstberatig gebüecht hesch, betreit der Mietpriis pro Wucha CHF 30.00

  • Ver de Versand chäment züesätzlich CHF 30.00 derzüe. (Das sind die Portocheste ver Hin- und Rückversand mit A Post und «Signature».) Dü chasch z’Mietpaget sehr gäre öi z’Glis cho hole und wieder retourniere.

  • Äs isch züesätzlich en Kaution va CHF 250.00 z’hinnerlegge. Wird z’Newborn Mietpaget rächtzytig, süüber und vollständig retourniert, erfolgt d’Rückerstattig innerhalb va 5 Arbeitstäg.

Afrag Newborn Mietpaget

Dü intressiersch dich ver äs Newborn Mietpaget? De schrib doch bitte äs Mail mit diine Kontaktagabe, diinem Wunschdatum und der gwünscht Mietdüür an wickelvielfalt@outlook.com.

​

Dü welltisch gäre vame annere Mietpaget (Nachtwindle, nur AiO o.ä.) Gebrüch mache oder z’Newborn Mietpaget isch ver diini gwinscht Zyt bi miär scho üsgebüecht?

Schwiizwyt gits e schuppe Stoffwindel-Beraterinnne, wa verschiedeni Mietpaget abietend. En entsprächendi Lista finnsch dü bim Stoffwindelverein Schweiz. Öi wickelvielfalt isch dem Verei agschlosse.

bottom of page