top of page

wickelvielfalt

​Will schich Bedürfnis terfent verännere.

OneSize Mietpaget

En nöia Wäg faht mänxmal nit am Afang a. Veli entdeckesch dü z’nachhaltig Wickle mit Stoffwindle erscht später oder z’Mämmi entwicklet ine erste Manet Hüütproblem. Mit dum OneSize Mietpaget chasch dü verschiedene Stoffwindle in Rüeh üsprobiere, bevor dü dich endgültig entscheidesch. So gits en Leesig wa schich güet afühlt, ver diis Mämmi und dini Famili.

Folgendi Artikla sind im OneSize Mietpaget derbiä

Dank de folgende Produkt cha diis Mämmi vollzyt mit Stoffwindle gwicklet wärde::

​

  • 2 AiO (unnerschidlichi Härsteller)

  • 2 AiO Pocket (unnerschidlichi Härsteller)

  • 5 AiO-SiO (unnerschidlichi Härsteller)

  • 4 Höschenwindle (unnerschidlichi Härsteller)

  • 7 Uberhose (unnerschidlichi Härsteller)

  • 4 Ai3 (unnerschidlichi Härsteller)

  • 33 Süügilage (unnerschidlichs Material, System und Härsteller)

  • 6 Booster (unnerschidlichs Material und unnerschidlichi Härsteller)

  • wäschbari, wasserdichti Wickelunnerlag

  • RINGANGA FRESH baby bum foam (DIE Alternativa zu Füechttüechjini)

  • 4 Wetbags (unnerschidlichi Greessine und Härsteller)

  • Wäschenetz

  • 12 wäschbari Vlies (unnerschidlichs Material und unnerschidlichi Härsteller)

  • 15 Flanellwäschlappe

  • Snappi Windelchlammera

  • 3 Bodyerwiiterige

  • Windelvlies (Nappy Liners)

  • Wäschmittel ver di komplett Mietdüür

 

Züesätzlich verchusch dü äs Skirpt mit alle wichtige Informatione zer Nutzig, Lagerig und Reinigung, sowie Härstellerinformatione zu jedem Artikel.

​

Mit Üsnahm vane Produkt va Judes, Lunakind, Windelzauberland und Windelmanufaktur (Titschland) sind alli Produkt inner Schwiiz erhältlich. Die Produkt va Lunakind und Windelmanufaktur sind teilwiis öi uber di Schwiizer Online-Shops bstellbar. Bim Zämestelle vam OneSize Mietpaget häni sehr fescht drüf gachtet, dass die Produkt wo immer meglich in Europa härgstellt werdent

​

Äs sind kei Wulle-Produkt im Mietpaget vorxe. Würdisch dü gäre Stoffwindle üs Wulla bi diinem Neugeborene teste? De tüemer das bi dinner Afrag mitteile. Wier wärde gmeinsam en Leesig finne.

Das choschtet z'Newborn Mietpaget

D'Mietdüür ver z’OneSize Mietpaget betreit mindestens 4 Wuche. D’Abrächnig erfolgt nach folgende Priisa:

  • Pro Wucha CHF 35.00 / Falls dü vorer bi wickelvielfalt en Erstberatig gebüecht hesch, betreit der Mietpriis pro Wucha CHF 30.00

  • Ver de Versand chäment züesätzlich CHF 30.00 derzüe. (Das sind die Portocheste ver Hin- und Rückversand mit A Post und «Signature».) Dü chasch z’Mietpaget sehr gäre öi z’Glis cho hole und wieder retourniere.

  • Äs isch züesätzlich en Kaution va CHF 250.00 z’hinnerlegge. Wird z’OneSize Mietpaget rächtzytig, süüber und vollständig retourniert, erfolgt d’Rückerstattig innerhalb va 5 Arbeitstäg.

Afrag OneSize Mietpaget

Dü intressiersch dich ver äs OneSize Mietpaget? De schrib doch bitte äs Mail mit diine Kontaktagabe, diinem Wunschdatum und der gwünscht Mietdüür an wickelvielfalt@outlook.com.

​

Dü welltisch gäre vame annere Mietpaget (Nachtwindle, nur AiO o.ä.) Gebrüch mache oder z’Newborn Mietpaget isch ver diini gwinscht Zyt bi miär scho üsgebüecht?

Schwiizwyt gits e schuppe Stoffwindel-Beraterinnne, wa verschiedeni Mietpaget abietend. En entsprächendi Lista finnsch dü bim Stoffwindelverein Schweiz. Öi Wickelvielfalt isch dem Verei agschlosse.

bottom of page