wickelvielfalt
Mitmu Mietpaget chasch dü in Rüeh üsprobiere, welli Stoffwindla zu dier und diinem Mämmi passt.
Mietpaget
Jedes Mämmi isch annersch, jedi Famili het anneri Bedürfnis. Üs dene Grind lohnt schich z’Üsprobiere. Mit mu Stoffwindle-Mietpaget va wickelvielfalt chasch dü alli System, verschiedeni Materialie und Härsteller in Rüeh teste, bevor dü dich feschtleisch. So chöifesch später nur das, wa wirklich z’öw passt. Gad bi Neugeborene isch z’Mietpaget äs tolls Agebot: Dü testesch di chliinsti Gressi und chasch derna gezielt die ver öw perfekt Windla inner Greesi OneSize aschaffe.
Allgmeini Informatione zune Mietpaget
wickelvielfalt bietet je eis Mietpaket inner Greesi Newborn und OneSize a. Z’Mietpaget wird nur vermietet, sofärn dü en Stoffwindelberatig (bi wickelvielfalt oder ere annere Stoffwindelberatig) bsüecht hesch oder falls dü bereits Erfahrig mit Stoffwindle hesch (Berateri, wiiteri Chind wa mit Stoffwindle gwicklet sind worde usw.)
Bevor das z’Mietpaget verschickt wird, tüen ich das numal reinige und süüber üfbereite.
Während der Mietdüür isch die Beratig telefonisch, per Whatsapp oder Mail während de normale Bürozyte oder nach Terminveribarig inklusive.
Das choschtet z'Mietpaget
Z’Mietpaket va wickelvielfalt isch ab ra Mietdüür va vier Wuche verfiägbar. D’Abrächnig erfolgt zu folgende Konditione:
-
CHF 35.00 pro Wuche, CHF 30.00 bi absolvierter Erstberatig bi wickelvielfalt
-
CHF 30.00 ver Hin- und Rückversand (A-Post und «Signature») Alternativ isch d’Abholig und Rückgab in Glis meglich.
-
CHF 250.00 Kaution, Bi fristgrächter, süüberer und vollständiger Rückgab erfolgt d’Rückerstattig innerhalb va 5 Arbeitstäg.
Afrag Mietpaget
Bi Inträsse ame Mietpaget va wickelvielfalt schickmer doch bitte äs E-Mail mit diine Kontaktangabe, dem gwinschte Mietpaket, Startdatum sowie der gwinscht Mietdüür an wickelvielfalt@outlook.com.
Sellti diis gwinscht Mietpaget und der Wunsch-Zytrüüm bereits üsgebüecht sii, oder dü süechsch name anere Mietpaget (z.B. Nachtwindle, nur AiO) stähnt dir schwizwyt witeri Stoffwindel-Beraterinne mit unnerschiedliche Mietagebot zer Verfiägig. En entsprächendi Ubersicht finnsch dü bim Stoffwindelverein Schweiz. Öi wickelvielfalt isch dem Verei agschlosse.