wickelvielfalt

Mitmu Mietpaget chasch dü in Rüeh üsprobiere welli Stoffwindla zu dier und diinem Mämmi passt

Newborn Mietpaget

Äs isch sinnvoll, wemu em Mämmi am Afang Stoffwinle inner Greessi Newborn aleit. Di chlii Greessi passt ab ca. 2.5kg bis 6kg. Da mu d'Newborn Greessi nit lang cha brüüche, machts Sinn, die Newborn Greessi z’miete. So chasch dü öi lüege, wells System, welli Materialie und so witer am beste zu dier und diner Famili passent, bevor dass dü d’Stoffwindle inner Greessi OneSize aschaffsch..

Allgmeini Informatione zum Newborn Mietpaget

Z’Mietpaget wird nur vermietet, sofärn dü en Stoffwindelberatig (bi Wickelvielfalt oder ere annere Stoffwindelberaterig) bsüecht hesch oder falls dü bereits Erfahrig mit Stoffwindle hesch (Berateri, wiiteri Chind wa mit Stoffwindle gwicklet sind worde usw.)

Bevor das z’Newborn Mietpaget verschickt wird, tüen ich das numal reinige und süüber üfbereite.

Während der Mietdüür isch die Beratig telefonisch oder per Mail während de normale Bürozyte oder nach Termniveribarig inklusive.

Folgendi Artikla sind im Mietpaget derbiä

Dank de folgende Produkt chasch dü diis neugebore Mämmi va Afangsch a vollzyt mit Stoffwindle wickle:

2 Ai3 (unnerschidlichi Härsteller)
4 AiO (unnerschidlichi Härsteller)
1 AiO Pocket
20 Süügilage (unnerschidlichs Material, System und Härsteller)
5 Booster (unnerschidlichs Material und unnerschidlichi Härsteller)
2 Schlupfuberhose (unnerschidlichi Härsteller)
4 Höschenwindle (unnerschidlichi Härsteller)
4 Uberhose (unnerschidlichi Härsteller)
3 Bodyerwiiterige
1 Snappi Windelchlammera
20 wäschbari Vlies (unnerschidlichs Material und unnerschidlichi Härsteller)
1 Wäschenetz
4 Wetbags (unnerschidlichi Greessine und Härsteller)
Wäschmittel ver di komplett Mietdüür

Züesätzlich verchusch dü äs Skirpt mit alle wichtige Informatione zer Nutzig, Lagerig und Reinigung, sowie Härstellerinformatione zu jedem Artikel.

Bis üf 1 Produkt (Titschland) sind alli Produkt inner Schwiiz erhältlich. Bim Zämestelle vam Newborn Mietpaget häni sehr fescht drüf gachtet, dass die Produkt wo immer meglich in Europa härgstellt werdent.

Äs sind kei Wulle-Produkt im Mietpaget vorxe. Würdisch dü gäre Stoffwindle üs Wulla bi diinem Neugeborene teste? De tüemer das bi dinner Afrag mitteile. Wier wärde gmeinsam en Leesig finne.

Stoffwindel-Mietpaket Newborn wickelvielfalt

Das choschtet z'Newborn Mietpaget

D'Mietdüür ver z’Newborn Mietpaget betreit mindestens 4 Wuche. D’Abrächnig erfolgt nach folgende Priisa:

Pro Wucha CHF 30.00 / Falls dü vorer bi Wickelvielfalt en Erstberatig gebüecht hesch, betreit der Mietpriis pro Wucha CHF 25.00
Ver de Versand chäment züesätzlich CHF 27.00 derzüe. (Das sind die Portocheste ver Hin- und Rückversand.) Dü chasch z’Newborn Mietpaget sehr gäre öi z’Glis cho hole und wieder retourniere.
Äs isch züesätzlich en Kaution va CHF 250.00 z’hinnerlegge. Wird z’Newborn Mietpaget rächtzytig, süüber und vollständig retourniert, erfolgt d’Rückerstattig innerhalb va 5 Arbeitstäg.

Afrag Mietpaget

Dü intressiersch dich ver äs Newborn Mietpaget? De schrib doch bitte äs E-Mail mit diine Kontaktagabe, diinem Wunschdatum und der gwünscht Mietdüür an wickelvielfalt@outlook.com .

Dü welltisch gäre vame annere Mietpaget (One-Size, Nachtwindle, nur AiO o.ä.) Gebrüch mache oder z’Newborn Mietpaget isch ver diini gwinscht Zyt bi miär scho üsgebüecht?

Schwiizwyt gits e schuppe Stoffwindel-Beraterinnne, wa verschiedeni Mietpaget abietend. En entsprächendi Lista finnsch dü bim Stoffwindelverein Schweiz. Öi Wickelvielfalt isch dem Verei agschlosse.