wickelvielfalt
Miis Agebot erspart dier
e schuppe Rescherschearbeit
Stoffwindelberatig
Mit miinem Agebot will ich dich über zahlriichi Vorteila vam umwältfröindliche Wickle informiere. Züdem will ich dier di Recherchearbeit rund um Stoffwindle abnä und dier derbii hälfe, das Stoffwindelsystem z’finne wa perfekt zu dinem Läbensstil und dine Vorliebine passt. Mit miiner Beratig will ich sicherstelle, dass dü dich va Afangsch a erfolgriich und mit Freid inner Wält vane Stoffwindle zrächtfinnsch.
​
Wickelvielfalt steit ver en markeunabhängigi Beratig!
Während der individuell Erstberatig (ca. 1.5 - 2h)...
​
… kläre wiär alli dini persönliche Frage zum Thema Wickle mit Stoffwindle.
​
… tüen ich dier die Grundprinzipie vam Wickle mit Stoff erkläre.
​
… zeig ich dier die unnerschiedliche System, Funktionswiese und Materialie. Di verschiedenen Windle und Ilage wärdi mitbringe, dass schi dü öi chasch agriife.
​
Züedem berat ich dich…
… uber di unnerschidliche Greesine,
… welli Windle schich ver welli Situatione (z.B. Fremdbetreuuig üsserhalb va Deheime, inner Nacht oder während de Ferie) abietent.
​
Äbefalls informier ich dich...
… uber z’richtig Lagre,
… z’korräkt Wäsche
… und z’optimal Trechne vane Stoffwindle.
​
​
Üs zytliche Grind ist mier vorlöifig nur meglich, Stoffwindelberatige im ditschsprachige Wallis azibiete und durchzfiähre. Schwiizwyt gits e schuppe Stoffwindel-Beraterinnne, wa dich und dini Famili gäre rund ums Thema Stoffwindle unnerstitzend.
En Lista mit alle Beraterinne finnsch bi Stoffwindelverein Schweiz. Öi Wickelvielfalt isch dem Verei agschlosse.
Das choschtet mini Beratig
Die individuell Erstberatig bi dier Deheime oder ame Ort diiner Wahl geit ca. 1.5 – 2h und wird nach nachfolgende Priisa abgrächnet:
-
Pro Eltrepaar pauschal CHF 150.00
-
Ver jedi züesätzlich Person (z.B. Betreuuigsperson) + CHF 15.00
-
Ver jedi agfange Viertelstund (ab 2h) + CHF 20.00
Vor der individuell Erstberatig gits äs telefonsiches Vorgspräch. Das wird sälbstverständlich nit züesätzlich verrächnet.
Wiiteri Beratige (z.B. Problembehäbig) wärdent pro agebrochener Viertelstund mit CHF 20.00 verrächnet
​
D’Areis im Oberwalliser Talgrund isch jewiils bereits im Priis inklusiv. Bine räschtliche Ortschafte gits en Üfpriis nach Absprach (z.B. Bähnli- oder Zugbile).
​
Termina: nach Veribarig, sehr gäre öi am Wuchenend oder am Mabe. Bitte fill doch z'Formular z'unnerscht üfer Website üs ver en Terminafrag.
Individuelli Workshops - Dü und diis Team
wellt öw mit dum Thema
Stoffwindle üssenandersetze?
Ich biete öi Workshops zum Thema Stoffwindle a. Afrage nimmi sehr gäre unner wickelvielfalt@outlook.com entgäge.
​
Bitte schrib mer doch öi gad churz was dini Vorstellig isch. Aschliessend wärd ich mit dier Kontakt üfnäh um die Details z’plane.
​
Priis nach Absprach