wickelvielfalt
Wer steckt hinner Wickelvielfalt?
ICH
Angelika Stoffwindelberateri
Mini Freunda sägent miär öi Gesy. Ich bi 36 jährig und läbe mit miner Famili in Glis. Sit 2019 bin ich glücklich mim Christoph verheiratet und im September 2022 het d’Valentina inschi Famili um äs grosses Stuck Glick bericheret.
​
In miiner Friizyt bini sehr gäre aktiv: Dü finnsch mich im Summer bim Mountain-Bike und Wandre, im Winter üfe Schgi und em Snowboard. Ich bi gäre inner wunderschön Natur unnerwäx, wa ich nöii Energie cha tanke.
​
Im Juli 2023 häni d’Üsbildig zer Stoffwindelberateri anner «Stoffwindelschule Schweiz» erfolgriich abgschlosse. Zertifikat (PDF)
MIINI MOTIVATION
Warum Stoffwindelberateri?
Während der Schwangerschaft hei wier insch ver äs umwältfröindlichs Wickle entschiede. Insch isch bim Entscheid nit bewusst xi, wie vil Meglichkeite das git, mit Stoffwindle z’wickle. Leider hei wier inner Nechi niemmert gfunne, wa en Stoffwindelberatig abietet. Somit hän vor allem ich mich in die Thematik igläse und mit sehr vil Zytüfwand uber alli megliche System, Materialie, d’Lagerig, z’Wäsche, d’Wäschmittel und so witer rescherschiert.
​
D’Herüsforderig, mich durch die Informationsflüet uber Stoffwindle z’kämpfe, het mich daderzüe motiviert, Stoffwindelberaterin z’wärde. Miis Ziil is, mit miner Beratig annere Familine z’hälfe, di ver schi optimal Stoffwindla mit allem Drum und Dra üf eifachi und stressfriji Wiis üszläse.
Ich bi uberzoge, dass wier gmeinsam z’passend Stoffwindelsystem finne, wa schich einfach in diina Alltag lat la integriere und dine Winsch und Aforderige entspricht.
​
Ich freue mich, wenn ich dich und dini Famili ver d’Wält vane Stoffwindle begeistre tarf. Informatione zu minem Agebot finnsch dü hiä: Link